ZIRIKAREN TXOKOA

Labiaga Ikastolako ikasle,guraso,irakasle,lagunak... aurten,lehenengo aldiz Santa Ageda ospatu dugu.Entsaio mordo batzuen ondotik,espero genuen eguna ailetu zen.Makila bana eskuetan genuela,herrian barna joan ginen,ozenki kantatuz eta makilak ederki astinduz!

Koadrila galanta bildu ginen.Herriko zenbait auzoetan kantatu ondoren,Ikastolara itzuli ginen,elkarrekin merentzera.

Datorren urtean berriz ere elkartuko garelakoan gaude.

Begittu Izaskun.ek ateratako bideoan zeinen ongi astintzen ditugun gure makilak!!! 

Egun hauetan,Donostiako danborrada ospatzen denez,guk ere etxetik danborrak ekarri ditugu eta indarrez astindu ditugu!!!

Danborrada 2010

Begitu Maider.rek bidali digun bideo polita hau.Bertan Gabon Gauean kantari atera ginen lagun-koadrila agertzen gara!!

Jakin ezazue,hilabete osoan zehar,lehiaketa bat antolatua zegoela.Ziklo bakoitzak olentzero bat prestatu behar genuen,gurasoak lagunduta.Olentzero benetan politak aurkeztu ziren,Mari Domingi bat ere.Dinamizazio taldeak bozketa egitea erabaki zuen:guraso eta irakasleen botoak kontutan hartuko ziren.

Azkenean,LH 1. eta 2. mailakoen Olentzeroa irabazle suertatu zen.Lehiaketa hau zela eta,ikastolan barna sortutako giro polita ospatzeko,txokolatada izan genuen!!

Eskerrikasko parte hartzaile guztiei!!!!!!!!!!!

sari banaketa

Berako ohiturari jarraituz,Ikastolako lagun guztiak herrian barna ibili ginen Gabon Gaueko kantak abesten:ikasleak,gurasoak,ikasle-ohiak,irakasleak,langileak zein bazkide eta lagunak.Denak dotore jantzita zenbait auzoetan abestu genuen,eta plazan Olentzeroari ongi-etorria ematera hurbildu ginen.

Gabon Gaua 09

txistorra jaten

Abenduaren 21.Santo Tomas eguna ospatu dugu.Guraso batzuk,gure Izaskun "supersukaldaria" barne,hamaiketako aski goxoa prestatu digute:txistorra!

Aurten ere,OLENTZERO gu ikustera etorri da.Zerbait somatzen genuen eta hagitz urduri ginen.Eta azkenean,OLENTZERO etortzen ikusi dugu!!

Ongi portatu garen galdetu digu:baietz erran diogu,noski (orokorrean nahiko ongi portatzen garela iruditzen baizaigu).Astoa non zegoen galdetu diogu,eta kanpoan lotuta utzia zuela erantzun digu.

Gaur ikastolan jostatzeko opariekin etorri da(ipuinak,DVD.ak,pilotak...);asteartean,ongi kantatu ezgero,plazan agertuko dela erran du.Eta orduan,etxeetan utziko omen dizkigu opariak!!

OLENTZERO.ren ondoan eseri gara eta argazkiak atera ditugu,kanta bat ere abestu diogu.Lana aunitz omen du eta joan beharra zela erran digu.Denak gogoz agurtu dugu.Ea Bera.ko plazan agertzen den!!

EGUBERRI ON GURE BLOG.an PARTE HARTZEN DUZUEN GUZTIOI!!

URTE BERRI ONA IZAN DEZAZUEN OPA DIZUEGU!!!!

ONGI PASATU OPORRAK!!!!!!!!!!!!!!!!!

euskararen astea 09

Bai,bai!Dakizuenez euskararen nazioarteko eguna abenduaren 3.an ospatzen da.Nafarroan besta denez,guk aste berexia izaten dugu ikastolan, abenduaren 2.a berexiki.HH eta LH 1 eta 2.mailakoei ipuina irakurtzera etorri zitzaigun ARGITXO,bere laguntzaile bat ere agertu zen.Abenduaren 1.ean,gurasoak gonbidatu genituen,denok elkarrekin kanta batzuk abestera:Begoña eta Argitxo.k pianoa jo zuten!!!(a ze sorpresa hartu genuen!).

Abenduaren 2.an pregoia irakurri ziguten,eta goizean zehar joko edo tailerra desberdinak izan genituen:herri kirolak,margoketa,aurpegi margoketa....(gurasoren bat ere animatu zitzaigun!!)

BADATOR! BADATOR!

Horrelako abisuak ikusi daitezke ikastolaren barna ibili ezgero.Nor dator?? Zer dator??

Ea norbaitek asmatzen duen nor edo zer datorren!!!!!(pista txiki bat:datorren ortzegunean,abenduaren 3.an Euskararen eguna ospatzen da)

Labiaga ikastolari irrati saioa prestatzeko eta martxan jartzeko aukera eman dio Xorroxin irratiak.Hortarako Lehen Hezkuntzako ikasleek musikari buruzko eta Comenius asteari buruzko lanak prestatu zituzten.Guk,haur hezkuntzakoak ,kantaK ("Paristik natorren","antxumeak","ikusi,ikusi han..") eta 5 urtekoak olerkiak entsaiatu genituen.Urduri xamar ginen arren,hagitz ongi atera zitzaigun.Ikusi bertzela,ze nolako goguarekin solastu ginen mikrofonoa antzinean genuela!

Xorroxin