ZIRIKAREN TXOKOA

ihauteriak 2009,goizez

Ortzegun gizena,urtero bezala,mozorrotuta joan ginen gure ikastolara.Bakoitzak nahi zuen mozorroa aukeratu zuen; etxean jauntzi eta ikastolan elkartu ginen denak.Bertan Mari Motots,Sorgin bat eta Iñaki Perurena aurkitu genituen.Dantzan eta jolasean ibili ondoren,ederki gosaldu eta kanpora atera ginen.Eguraldi ona zegoenez,Kanttonberri auzoan zehar "zingarrarraultze" eskatzen ibili ginen:arraultzak,goxokiak,txokolatea,txistorra...gauza aunitz bildu genituen!

ETA ARRATSALDEAN .....

ihauteriak 2009,arratsaldez

Arratsaldean,txikien inude eta artzaiak ospatzen da gure herrian.Eta gu,haur hezkuntzakoak,mozorrotu egiten gara eta konparsa gisara ateratzen gara beraien gibeltik.

Aurten "HAMELINGO TXIRULARIA" genuen mozorrotzeko aukeratutako gaia.Eta gu xaguak ginen.Guraso koadrila bat etorri zen gurekin batera,baina beraiek herritarraz mozorrotu ziren.Dantza aunitz egin genuen.Leher eginda bukatu genuen,baina ederki pasatu genuen eguna.

Zabaldu Bildu.net | del.icio.us